CORNUS arboris genus

CORNUS arboris genus

de quo sic Plin. l. 16. c. 40. postquam de larice, abiete, ebeno, buxo, loto, robore, terebintho, aliisque quibus spissa firmitas, disseruisset, Ab his proxima est cornus: quamquam non potest videri materies, propter exilitatem, sed lignum non aliam non potest viderimateries, propter exilitatem, sed lignum sit in ligno clavisque figendum, ceu ferreis. Sed et in bello eius usus, quippe hastilibus aptae. Unde bona bello dicitur Virgilio, l. 2. Georgic. v. 448.

Viminibus salices fecundae, frondibus ulmi,

At myrtus validis hastilibus et bona bello

Cornus ------

Et Itala cornus, pro telo de Italo cornu facto, l. 9. Aen. v. 698. ubi de Turno,

Coniectô sternit iaculô, volat Itala cornus

Aere per tenuem, stomachoque infixa sub altum

Pectus abit ------

Achiva item cornus, apud Statium, l. 7. Theb. v. 647.

----- ----- ----- arma iacentis

Iam rapicbat Ab as. cornu deprensus Achiva

Dimisit moriens clypeum ------

Vide Casp. Barthium, Antmadversion. ad h. l. et infra voce Sibyna, ubi παλτοῦ χρανε̈ίνου, pili e corno, Xenophontem meminisse videbimus, Cyrop. l. 7. uti de corneis facibus, in nuptiis apud Romanos adhibitis infra, voce Nuptiae.